拍Part2冇望　陶大宇嗌唔捨得

藝人陶大宇今日到上水貨櫃場拍攝劇集《隱世者們》，更揚言會籌備拍攝一場類似「天津大爆炸」的生死場面。

雖然大宇近年少拍動作戲，但今次大宇亦表示能夠應付：「當然唔會好似甄子丹咁，受傷就無，痛就一定有。（好耐無揸槍？）係，點都好過拳頭交嘅，起碼型格啲，又舒服啲，感覺有味道啲。」

大宇又稱《隱》拍攝中段有傳過開part2，由20集再加20集：「不過無可能啦，將來有再夾檔期，其實接呢個戲係因為知到大家（吳啟華、鄧特希以及宣萱等）嘅存在，so far同一開始諗嘅一樣，好開心，講返以前嘅嘢，上次同啟華拍係《壹號皇庭》，9幾年拍，宣萱都有5、6年無合作，聚埋一齊有好多畫面，好似尋日發生咁，依家就嚟拍完，都好唔捨得，唔知幾時再見同合作。」