王君馨大方轉送花球　嗌苟芸慧加油！

藝人鍾嘉欣今日喺溫哥華與老公Jeremy補擺喜酒，「處女黨」成員王君馨（Grace）及李亞男等人專程到當地做姊妹團，向摯友嘉欣送上祝福。

而萬眾期待嘅拋花球環節已經完咗，有個拍拖十年嘅男友嘅Grace，就成功拎到花球，仲被亞男喺網上留言「催婚」：「恭喜grace！明年等你嫁！」

不過，Grace似乎見身邊嘅好姊妹苟芸慧未有着落，大方轉贈花球畀對方，希望對方沾吓佢啲運氣，盡快搵到好對象，Grace留言話：「識做嘅…說過如果攞到會俾（畀）你，加油ah苟苛！」而苟芸慧亦感謝好姊妹：「辛苦了寶貝！我突然變得好搶手！」