【啜啜照曝光】鍾嘉欣同老公錫到頭都歪

20160229
東網電視
更多新聞短片
錫老婆都好正常啫,有乜好怕醜!

【東網溫哥華直擊】鍾嘉欣同老公Jeremy嘅婚宴已經圓滿完成,之前鍾嘉欣就話佢老公好怕醜,就算出嚟見記者,喺鏡頭前點都唔肯當眾嘴對嘴錫錫,淨係錫咗鍾嘉欣條頸二次,不過係熟人面前,Jeremy都係忍唔住要同鍾嘉欣啜啜。

婚宴期間,鍾嘉欣同老公Jeremy喺台上同親朋好友影緊合照,Jeremy突然同鍾嘉欣嚟一個嘴對嘴深情一吻,全場即時起哄拍晒手掌,之後Jeremy仲勁興奮咁舉起鍾嘉欣隻手,雖然Jeremy冇講任何嘢,但係從Jeremy嘅形體動作加埋開心嘅表情,都感覺到Jeremy係想講:「我娶到個好老婆啦!」咁又係嘅,鍾嘉欣有樣貌有身材,仲要出名又Pure又True,娶到鍾嘉欣做老婆又真係應該開心喎!

最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!

最強娛樂APP「東網巨星」下載連結:
http://on.cc/redirect/entertainment