傷勢惡化？王浩信爆頭戴氧氣罩嚇親網民

藝人王浩信（Vincent）近日於拍攝劇集《致命復活》撞車戲時意外受傷，不時亦會於微博定期晒出自拍報告病況嘅佢，情況明明已見好轉，但今日佢就晒出一張戴住氧氣罩，個頭又縛住染血繃帶嘅自拍，令網民們嚇到個心都離一離！

其後睇真啲Vincent個留言，先知嗰張只係劇照，而未幾又要到醫院檢查嘅佢仲指自己已開始分唔清真實嘅自己同所演嘅角色：「不用擔心！頭上有血的是昨晚拍攝電視劇《致命復活》的醫院戲，今天又來到真正的醫院做檢查，我和我的角色- 康成哲 Max，真是越（愈）來越（愈）分不清楚。而我現在的情況已漸入佳境，希望瘀血快些散去！一定要快快好起來！」