仲着唔着到比堅尼？朱千雪拍戲刮傷肚

藝人朱千雪到將軍澳電視城為無綫新劇《EU超時任務》拍攝宣傳片，更偕黃子恆向受傷復工的王浩信送上鮮花慰問。

愛上做Madam開槍

而《超》劇是千雪首部以女主角身份拍攝的劇集，雖然去年拍攝時有感壓力，但事後回想仍是歡欣滿載：「呢套劇無論工作人員定演員都好辛苦，teamwork好重，所以我特別感受到畀人錫住。（多動作？）多呀，因為我係做Madam，都係我第一次開槍，仲愛上咗。（受傷？）好彩冇乜，係試過刮傷咗個肚，有段時間留咗個疤，但依家好番喇，差唔多幾個月。（着得比堅尼？）咁又唔關有冇疤事嘅，身材唔好，就算無疤都冇意思。」提到無綫的收視回升，千雪謂：「所以都好開心，同埋自己都期待呢套劇，第一次戲份比較重，希望收視都會好。」

有信心碩士畢業

千雪自去年請假讀碩士課程至今已過半年，專心讀書的她雖然早己請假落力宣傳，不過亦很有信心成功畢業：「我好勤力㗎！」

睇新聞才知拍檔受傷

提到《超》劇拍擋浩信拍劇時意外受傷，千雪表示是看新聞才得知此事，亦有在群組慰問對方：「《超》劇入面有九成都係同佢嘅對手戲，好彩佢拍嘅時候都冇受傷。」