郭羨妮拍親熱戲有底線：唔想畀個女見到

藝人郭羨妮（Sonija）、郭政鴻、雪梨及吳耀漢拍攝劇集，Sonija謂對上一次參演的劇集已是《無雙譜》，雖然戲癮大，但會選擇吸引的劇本。她又表示這次的單元劇中，講述現今女性的辛苦：「讀完書就嫁人，又要顧事業又要生仔，處理婆媳關係等等。」

避免床上同咀嘴戲

問到她可有婆媳問題？她說：「我冇，反而想多啲時間接觸奶奶，因為佢住河南，識聽國語但唔識講，但佢好錫我，有時講電話就要老公幫手翻譯。」提到她與戲中的老公郭政鴻有親密戲份，Sonija指只是錫臉頰，是夫妻之間的溫馨。問到已有家室的她會否抗拒拍親熱戲？她說：「唔會刻意唔拍啲咩，睇劇本，但會盡量避免床上戲同嘴對嘴嘅戲，要深思熟慮睇吓係咪需要，因為我唔想畀個女見到，呢啲留番後生女做啦！」

有興趣演《尋秦記》電影版

提到有指古天樂有意開拍《尋秦記》電影版，Sonija謂不知道，並坦言未有收到邀請：「講咗好耐，真係先算。（有興趣？）都得意嘅，十幾年前演過再演番。」