美國霍士重拍《我和殭屍》　尹天照拒拍

有傳美國霍士將拍攝港劇，鎖定亞洲電視鎮台劇集《我和殭屍有個約會》，而美國霍士亞州分部亦承認已向亞視購買版權，將於今年大手筆斥資做化妝與特效重拍《我》劇。

《東網》訪問《我》劇男主角「況天佑」演員尹天照，他表示：「啱啱聽過，唔關我事啦，就算拍我都唔會拍喇，幾多百萬都唔關我事，相信會有新嘅況天佑出現。（咁決斷唔拍？）總之唔會再拍《殭屍》，有咩咁決斷？每個人都有自己原則，我嘅原則就係信咗耶穌唔會拍。」