成功唔使靠父幹!Oscar斥7位數開新舖

20160303
東網電視
更多新聞短片
這就是成功的例子。
前歌手蕭潤邦(Oscar)早前放棄歌唱事業,毅然走到上海學包生煎包及小籠包,學師後火速孖好友夾份開舖頭做老闆,並展開其飲食版圖,多年內開設了四間不同食店,包括上海菜、西餐廳及茶餐廳,Oscar近月將飲食生意擴展到港島區,於北角開設上海菜館,身為老闆的他日日在新舖打躉。
呻難請人:好多冇責任心
憑生煎包打響名堂的Oscar坦言最難請人,他說:「依家好難請人,好多都冇乜責任心,我就好似社工咁,不停同佢哋溝通。」並承認全副身家擺晒落新食店,他說:「都用咗七位數。(老婆本?)算係,希望開第六間食店之前可以結婚。」由於其女友是空姐,Oscar承認與對方甚少見面,但已認定對方是老婆,他說:「我哋有晒共識,一步一步嚟。(求咗婚?)已經準備用六位數買求婚戒,之後就會影婚紗相,希望可以明年結婚。(買咗樓?)未,依家樓價開始跌,睇多一陣先。」
「生煎包救我一命」
問到有否想過將食店上市?Oscar說:「暫時目標想喺香港、九龍、新界同離島都有店舖,或者可以做集團式。」問到會否覺得慶幸離開歌手行業並發展「王國」?Oscar說:「應該話冇唱歌之後搵到適合自己嘅行業,自己算係好彩,生煎包救我一命。」