網民熱話：里奧仔琦溫斯莉友情勝愛情

繼無數咁多對《有一種友情叫乜乜乜》之後，大家可能都聽到厭晒！不過今次有個終極巨星版！就係《有一種友情叫Leonardo DiCaprio And Kate Winslet》！由前幾日里奧仔拎小金人（奧斯卡最佳男主角），一幕深情擁抱舊拍檔兼13年紅顏知己琦溫斯莉後，網上即熱炒呢段19年嘅友共情，最近網民仲搵番佢哋以前做訪問嘅內容，大讚呢段友共情完勝「洪翠情」同「曉薇情」。

兩人心繫對方

里奧勒度多年來女友換完一個又一個，現年45歲嘅佢似乎仍然未有定落嚟嘅打算！不過有一個女人收埋喺佢心入面已經足足19年咁耐，呢個女人係邊個？就係當年嘅Rose，琦溫斯莉喇！有眼利嘅網民就發覺，咁多年嚟，每當里奧仔同琦溫斯莉喺公開場合踫頭，佢哋兩個望住對方嘅眼神都係溫柔又帶深情。先唔計每次Jack攞獎時都會擁抱Rose，今屆金球獎當琦溫斯莉拎最佳女配角嗰時，事後畀人問點解反應咁驚訝，佢就答：「我當時太關注Leonardo會否得獎而完全忘記了自己也是入圍者之一！」果然兩個一直心繫對方！

「That's my girl」贏晒

之後近日網上有網民重溫佢哋兩個多年前各自嘅訪問內容，當中琦溫斯莉講到對於里奧勒度嘅睇法時，佢就毫不保留咁話：「對於Leonardo，我應該跟所有女觀眾的感覺一樣..」，而里奧勒度聽到呢句評語嘅時候，就彈出一句「Oh! That's my girl!」，聽到個心都卜卜跳，網民話呢句說話仲冧過一句「I Love You!」，仲話人生有一個咁樣嘅知己，死而無憾喎！

網民有話兒：

趙茵X：不是親人更勝親人，曾經，我也有一個這樣的朋友。

Helen Jxx Hx：有呢種朋友喺身邊係幸福嘅！

Natalienxxxxxx Woxx：They are meant to be！

Sallx Woxx：wow！That's my girl！

Amanxxxx：可能兩個最後會走埋一齊呢！