黃翠如病到七彩　手指公放血退燒開聲？

正所謂「財多身子弱」！藝人黃翠如近期密密接job，可謂吸金有道，但唔知係咪因為休息不足以至病倒，仲要四出訪尋名醫，認真「慘慘豬」！

翠如啱啱喺Instagram自爆病到失聲，好彩睇完中醫後好番好多，仲救番把靚聲，佢留言感激呢位同周柏豪撞英文名嘅醫生話：「為了開聲，看西又看中。Chau Pak Ho又救我，原來手指公放血可以退燒開聲，血放了一點，聲回了一點。」唔知蕭正楠有冇呵番女友翠如呢？