高音捱批　蔡思貝懶理負評：偏激少少

藝人蔡思貝為劇集《潮流教主》宣傳，談到其海豚音演戲令觀眾劣評，思貝似未有留意，表示有留意觀眾評價，但大多是讚她比前兩套劇有改進，令他們看得舒服，並承諾會繼續追劇，問到有否留意一些惡意評論？她謂：「咁都係會鬧人嘅多啲，真係偏激少少，可能係一啲唔鍾意我之前兩套劇演繹方式嘅觀眾，但我比較focus正面評論，其實身邊演員同事都有同我講，我今次演繹方式唔同咗。（會唔會唔開心？）唔會，都係善意提點，可以令我改進多啲，再拍嘢就會令大家睇得舒服啲。(有觀眾話寧願睇亞視都唔睇你？）係咩？咁唔鍾意一定有，咁佢哋惟有睇自己鍾意嘅嘢，相信都會有觀眾鍾意。」

談到同場的陳瀅指她很煩，思貝表示與對方於片場互相煩來煩去，故拍攝時相當嘈，但幾個女仔氣氛融洽。