陳茵媺五月生B　陳豪為蔡思貝護航

藝人陳豪出席劇集《潮流教主》宣傳，對於同劇蔡思貝被網友劣評以海豚音演繹，陳豪表示不知情，但亦為這位後輩護航，他謂：「對我嚟講佢係一個比較新嘅演員，又年輕，佢把聲我又覺得冇乜嘢，新演員都好注重自己把聲，但又唔需要太介懷，最重要係舒服自然，觀眾都覺得舒服就得。（就係觀眾覺得唔舒服，驚影響收視？）唔驚，呢個角色需要好Green嘅感覺。」

鍾意拍新嘢

談到亦有指該劇題材被指抄襲日劇，陳豪表示有聽聞，但卻未有看過該日劇，更指在於其角度，他演的角色乃100%原創：「我鍾意拍呢啲新嘢，要做人哋做過嘅角色反而抗拒。（覺得無綫編審要改進？）我希望由自己出發去做，市場上有好多橋段，參考人哋好嘅嘢，但又唔好冇咗自己，要加自己元素入去。」

唔知公司高層變動

對於有指無綫高層樂易玲於月內辭職，以及另一高層余詠珊將炒十名編審，陳豪自言近日公私兩忙，故完全不知道發生甚麼事。問到懷孕中的太太陳茵媺近況？陳豪透露太太將於五月生，但仍未肯公布今胎是仔還是女，笑言要留待太太公布。