伊健孖周秀娜「親熱」嗌緊張

20160307
東網電視
更多新聞短片
個樣唔似尷尬喎!
藝人周秀娜出席《iGirl夢情人》首映禮。訪問時,問到周秀娜最近被指忽然富貴和搭上富二代,她即連聲否認緋聞:「冇富二代朋友,我冇拍拖,仲係單身,唔擔心緋聞影響形象。(話你忽然富貴喎。)我生活正常,負擔到自己亦養到父母就得。(舊愛話如果你拍拖就祝福你。)我冇舊愛。(前男友?)話明前男友,都過咗好耐,唔講喇。」
不過談到戲中與鄭伊健的互動,扮演機械人的她即笑說:「要拉硬個人嚟演,總之收工就覺得好攰。」鄭伊健則承認與周秀娜有親熱戲﹕「有場戲講佢冇晒電,我要抱起佢,仲抱咗好多次先拍完。因為係第一日開工,所以都尷尬。(有身體接觸?)有啲。(掂到佢個胸?)冇咁誇張。」