開工拍劇！羅嘉良讚李佳芯夠晒「電」
20160308
東網電視
更多新聞短片
時隔七年，羅嘉良返香港拍劇喇！
三屆視帝羅嘉良闊別七年，「回歸」拍攝無綫劇《與諜同謀》，今日他首日開工，與女主角李佳芯（Ali）在尖沙咀拍攝一場車廂傾談戲，精神奕奕的羅嘉良全程表現輕鬆，與工作人員談笑風生，見到有記者在場即戴上黑超Chok住影相，型到爆燈！期間有Fans經過索合照，羅嘉良亦任影唔嬲，有女Fans更為他打氣表示歡迎他返港拍劇。
對於首日開工，羅嘉良表示感覺良好：「七年後再拍劇，感覺好親切，今次同佳芯合作，覺得佢好穩，又有幽默感，份人幾低調，幾好！（佢話想聽你唱歌！）睇吓幾時有時間，一齊去卡拉OK唱吓歌囉！一定有機會。」提到佳芯被封為「最強小三」，問到覺得對方雙眼是否有電力？羅嘉良笑說：「有電就一定啦！唔係點電到觀眾呢？但我今日第一日同佢開工啫！總之同佢合作好自然。」
開工掛住阿女
講到近日的準備功夫，之前在內地生活的他表示要到超級市場購買大量日用品，另外亦不介意出動私伙靚衫：「我不嬲都係咁，《創世紀》嗰陣啲呔係我自己嘅，都有60幾條！《流金歲月》啲高領裇衫都係我自己買。（咁咪貼錢打工？）呢個都係我興趣嚟！哈哈！（預咗之後拍劇好辛苦？）我知監製會錫住我，畀時間我休息。（要求唔好開咁長時間？）我有提過，但明白運作，互相遷就啦！」他表示太太早前跟他來港為他打點一切，逗留了十幾日，現時已返回北京：「個女掛住佢丫嘛！我都掛住個女，有Keep住每日一電呀！視頻呀！」
戒飲啤酒
現場見羅嘉良身型瘦削，比以前更瀟灑，問到其Keep Fit心得，他直言近年更重視飲食，而且戒了飲啤酒：「食嘢會留意埋酸鹼度，我食量唔係太多，有時一日只係食兩餐，六點幾就食晚餐，之後唔食。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：