重Post舊滑雪相　李嘉欣想破大肚傳聞？

大美人李嘉欣（Michele）近日盛傳有喜，早前同老公許晉亨孖住去睇樂壇天后麥當娜演唱會時着住平底靴，又用手袋遮肚，孕味甚濃。日前許晉亨與父母撐枱腳，Michele又係冇影，難免被人聯想喺屋企安胎。雖然Michele就好耐冇現身，不過佢喺網絡世界依然活躍，剛剛佢就無啦啦重POST去年年底與家人去到外地滑雪兼過白色聖誕嘅相，唔知Michele係咪旅行癮起定係想用舊相破大肚傳聞呢？