有意十月開騷　坤坤恨邀盧廣仲做嘉賓

歌手吳業坤與著名無伴奏樂隊Metro Vocal Group為即將舉行的無伴奏音樂會進行綵排，之前在頒獎禮上喊到眼鏡霧化的坤坤，未知是否太熱，在受訪時再次眼鏡起霧，兼不停滴汗。

揚言千里搵盧廣仲

問到何時開個人演唱會？坤坤透露有意於十月尾在九展開騷：「未落實，但我已經有壓力呀，要坐滿，我好易緊張。」又指希望盡快錄更多歌曲做準備。提到坤坤日前在台灣與偶像盧廣仲緣慳一面，他說：「本身約咗夜晚見，佢Send message嚟話太夜，改食lunch啦，但我瞓晏咗，我起身覆佢佢話已經到咗屏東，所以就冇緣。」他又指首次與對方在香港見面時，曾說過之後再相見會讓對方看到不一樣的自己，並希望邀請對方擔任個唱嘉賓或寫歌：「依家失敗咗，如果演唱會落實，可能我會再請假千里去邀請佢。（點打動對方？）特登飛過去，我覺得文字同語音表達唔足夠，想畀佢感覺到我嘅誠意。」

網上發放正能量

而坤坤謂近來感覺到社會的氣氛沉重，所以自己亦有在社交網上發放正能量，希望大家的思想不要太負面：「想大家正面面對，雖然我都講唔到咩大道理，但我覺得冇嘢係需要去輕生嘅，活着已經係好好。」對於好友胡鴻鈞昨日就學生學業壓力太大而輕生一事發表千字文，卻惹來眾多網民狠批他邏輯有謬誤，坤坤說：「我未清楚喎，我返去研究吓，再打去同佢討論吓，問佢究竟想法係咩，我覺得每個人有自己嘅想法，係觀點與角度嘅問題。」