撞車受傷有陰影　王浩信：一上車就驚

王浩信為無綫節目《Sunday好戲王》擔任嘉賓，最近為劇集《致命復活》拍攝撞車戲受傷的他，已經重新投入劇集工作，但他坦言再拍車戲時有陰影：「上到車真係有啲驚，會諗番起啲畫面，嚟緊有好多動作場面要拍，因為之前兩隻手指曾過縫針，依家仲有啲腫，握拳都要忍住痛。」王浩信左眼皮上留有傷疤，他笑說：「有個疤痕都幾型呀，當係一個紀念。」

他又指在節目中要打醉拳出場，監製更給了成龍的電影讓他看後參考。談到節目要考喊功，他笑說：「自己易喊嘅，同埋諗番起撞車之後，屋企人去到醫院探我，父母眼濕濕，個女又出唔到聲，自己都好慚愧，覺得以前好自私，掛住做嘢唔識得去諗其他人。」