鄭伊健爆劉偉強焗周秀娜拍半裸戲

藝人周秀娜（Chrissie）及鄭伊健等現身旺角，為電影《iGirl夢情人》進行謝票。伊健透露現場觀眾反應不俗：「第二次宣傳，反應幾好。（戲中有激咀戲？）當日記招都扮激咀，不過觀眾唔係睇呢啲，都係睇吓我哋啲戲。」提到Chrissie於戲中有半裸戲份，伊健大爆該場口是導演劉偉強向該片導演闞家偉建議重拍，他說：「本身冇㗎，係劉偉強睇完剪片後，話（機械人出場）呢幕『佢一定要唔着衫』！」伊健搞笑稱當時面對半裸的周秀娜，惟有扮睇掌分散注意力。

為拍半裸戲減肥

問到Chrissie拍攝時有否感尷尬？她笑說：「ok嘅，導演尷尬啲，我當時擔心要重拍，係咪自己出咗問題。導演畀時間我準備，拍呢種戲要清減啲。（說服你好耐先拍？）有考慮，佢哋剪晒片後發覺有需要。」

伊健讚易搵男友

Chrissie又笑言希望有機會與劉偉強合作：「（導演會冇請導演開戲畀你？）冇，蝕咗。我睇開同鍾意劉導演嘅戲。（鍾意邊套？）古惑仔。（想飾演『細細粒』？）我唔夠細粒，希望有機會合作。」提到早前有傳與富二代相戀的Chrissie被指自製緋聞？她無奈避談：「你哋放過我啦。（伊健叫你咪勞氣）冇，講到好悶，感情隨緣。」伊健則盛讚她為人有個性，易搵男友。