陳展鵬談黃宗澤戀情：拍拖好正常

藝人陳展鵬出席仁濟慈善高爾夫球賽，已有六年高爾夫球球齡的他是藝人高爾夫球會成員，前兩年欲參加世界名星賽，惟當時忙拍劇未能抽空參與。問平日可有練波？展鵬笑謂：「有時間都會，頭兩、三年打最瘋狂，聽講呢個運動叫『綠色鴉片』，但對上一次打已經成半年前，所以今日都係打牙骹戰。（係唔係水魚？）喺佢哋心目中我係，不過我都心中有數。」

同鍾嘉欣登台發現婚戒

談到黃宗澤有新戀情，展鵬表示不知情，二人近日沒有見面，但笑言若對方結婚會送上祝福：「拍拖好正常，到時見到開心咪講兩句。」至於曾合作拍劇的鍾嘉欣已嫁作人妻，展鵬表示一早已送上祝福：「佢婚前都同我一齊去美國登台，見到佢戴結婚戒指，都知知哋，不過當時我冇問佢，都要專重人哋私隱，但手冇幾耐就見到報道有消息。」