【人逢戀事】黃宗澤記錯時間開工大遲到

藝人黃宗澤（Bosco）日前被《東網》獨家直撃與日籍女模Jun齊齊出動行街買餸，他更於寓所附近租酒店，另設「私竇」與女友同居過二人世界。

有愛情滋潤的Bosco今日於九龍城為無綫新劇《幕後玩家》開工，更比原定時間遲一個鐘才抵達拍攝店舖。惟開工心切的他，一落車即拔足狂奔避開記者，閃入店舖。

Bosco約大半個鐘後，主動步出片場接受傳媒追訪。問到是否展開新戀情？春風滿面的Bosco表示與日模Jun只是互相了解，又澄清二人同住一間酒店卻非同房：「了解吓啫，拍廣告時識。人哋嚟香港旅行，咁啱我屋企裝修，我喺間酒店度住，佢又問我邊間酒店好，我咪介紹畀佢同幫佢Book埋。（你哋住同一間房？）梗係分開房，佢都有畀番（訂房）錢我。」

再次埋怨記者

提到二人到超市買餸煮飯仔，Bosco又搞笑埋怨被記者打擾好事：「咁我都要食飯，行超市諗住下午茶，畀你哋見到。你哋都唔畀時間人哋了解，阻住人哋識女仔！對方唔太熟悉娛樂圈，嚇親人哋。」

英語溝通

問到是否已經互有好感？Bosco就多番強調與對方「了解中」，又大爆兩人之間透過英語溝通：「了解吓啫。（人哋係日本人，點溝通？）講英文囉！（人哋嚟香港就帶埋去見你媽媽？）我媽咪唔喺香港。（視訊通話見家長？）飲個下午茶唔使咁。（Jun對你有意思？）了解吓囉，今次佢去完旅行會返屋企，平時短訊聯絡。（人哋有冇男友？）冇呀嘛！」

爆戀聞慘遭取笑

他又解釋遲到原因：「我昨日凌晨五點收工，記錯咗時間開工。」提到同場蕭正楠笑稱要「八卦」其新戀情？Bosco笑說：「冇喎，佢兩個衰仔（蕭正楠及張繼聰）望住我陰陰嘴笑！」

學日文助了解

問到Bosco是否擅講英語與對方溝通？他笑言基本溝通冇問題，不需要出動身體語言：「我都有讀書㗎，總之基本溝通冇問題。（要用身體語言？）唔使。」談到新歡Jun的為人，Bosco讚對方好人：「我都未了解晒，你哋就撲出嚟，總之係好人。（同佢以短訊了解？）都係傾普通閒偈，不過佢就嚟返東京。（你會送機？）我唔得閒，要開工。」他又透露報道出街後，有與Jun聯絡及道歉。問Bosco會否到日本探Jun？他笑稱要學日文：「佢都係喺東京啫。（學日文助溝通？）咁係好主意，我都可以請教吓佢日文！」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment