藝人陳豪到銅鑼灣出席活動，與童星鄭耀軒繪畫復活節卡，陳豪又高歌一曲，博得現場熱烈掌聲。

陳豪對老婆陳茵媺腹中胎兒性別，繼續封口，他說：「唔好咁心急，等到5月大家就知。我諗咗名，但唔講，講咗你哋就估到。（BB可以着番哥哥啲衫？）哈哈哈，唔好咁樣『裝』我，唔好心急。（會再追女？）三個夠，無論係仔係女都唔再追。（因為已經追到前世情人？）唔話你聽！（5月會請假陪太太？）新劇啱啱開拍，點都要完埋先，而且都未知確實係幾號。」

陳豪讚兩個兒子，他說：「大仔鍾意畫畫、睇書，咁都幾好呀！ 細仔就好黐哥哥，跟住哥哥周圍去，哥哥讀緊學前班，細仔都開始interview。Aimee（陳茵媺）同大仔都有睇《潮流教主》，畀咗好多好好嘅Feedback我。」