黃宗澤翠如咀嘴　蕭正楠嬲爆：又話借位

無綫於今屆影視娛樂博覽舉行本年度劇集推介記者會，現場更播放不少新劇片段，當中有情侶蕭正楠（Edwin）及黃翠如演出的新劇《幕後玩家》，大會除播放二人的結婚咀嘴戲，還有一幕黃宗澤（Bosco）咀翠如的片段，Bosco看罷片段忍不住於台上直言：「套戲好亂！」Edwin亦即扮嬲謂：「我唔覺得好亂，我好唔開心囉，開頭講冇呢場戲，又話係借位！」身旁的張繼聰也加入戰團：「佢（Edwin）原本都有場戲同個女星咀，不過Cut咗！」Edwin笑指即使導演叫拍也不肯接受，並向翠如謂：「你同記者朋友講吓點解你要錫？」翠如聞言則表示：「要返屋企先。」而於演員們談及角色時，原本Bosco站於Edwin及翠如中間，令Bosco也忍不住笑謂：「我係咪企錯位？」

事後Edwin同翠如一同接受訪問，Edwin被問到是否呷醋？他謂：「唔好問，點答你，戲入面同Bosco一對仲多過同我，睇到好傷心。（冇睇翠如同Bosco拍咀戲？）可能導演使開咗我。」

早收工無「監場」

翠如表示事前有通知Edwin會拍攝該場咀戲，惟當日對方早收工沒有「監場」，記者打趣二人現實生活來一次kiss作補償，Edwin卻抵死地謂：「我又冇開蓬跑車。」對於是今日白色情人節，兩人同聲表示要於工作中度過，問到Edwin有否送禮物給女友，他笑謂：「佢送咗呢場戲畀我，睇我幾時回番場畀佢囉。」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment