唔怕唐詩詠Check住？洪永城自誇定力夠

藝員洪永城（Tony）現身香港影視娛樂博覽「TVB 2016綜藝節目暨海外合作記者會」，現正放假休息的Tony，早前為拍攝節目從古巴回港，他說：「拍咗10日，四月中會出街。（節目有乜特別？）加納比海女士比較熱情，好狂熱！（影響唔到你同唐詩詠？）冇錯，呢一行係好講定力嘅。（日日畀人check住？）真心話唔使講出口嘅。」

預告送唐詩詠Surprise

經常四出拍攝旅遊節目的Tony，被問到是否已遊勻全世界？他笑說：「唔係㗎，都想去阿富汗嗰啲地方，係自己嘅心願。（放假同女友去旅行？）我都好辛苦㗎，有嘢做，佢遲吓都好似拍電影，不過未confirm，我有時間都想同佢去多啲地方。（去德國搵詩詠？）Surprise？可能啦，總之會有個Surprise，做完會講畀大家知。」