透視誘惑！楊秀惠恨嫁：有人求婚?飯應

藝人楊秀惠及莊思敏等於黃埔出席婚紗展活動。當中擔任模特兒的秀惠以低胸透背婚紗上陣，狀態大好的她事後受訪時卻透露近期為拍無綫新劇《來自喵喵星的你》而不斷捱夜。她更稱劇中對白甚多科學名詞，故感到壓力。問到秀惠穿起婚紗會否恨結婚？她即搞笑大爆被同劇演員陳豪催婚兼催生B：「佢話我適婚，可以結婚同叫我快啲生B！佢成日帶咖啡嚟開工請大家飲，我就覺得陳茵媺（Aimee）好幸福，日日有咖啡飲。但陳豪話Aimee同佢一齊就冇飲過，咁梗係因為佢個肚都冇停過！」

自嘲年紀唔細

問到秀惠打算何時與男友拉埋天窗？直認恨嫁的她笑言若有人求婚即「?飯應」：「結婚要同經理人度期，我年紀唔細，但隨緣。（有冇被求婚？）如果有人求婚即刻?飯應！哈，講笑！如果係應該幾Sweet，但未有。（恨嫁？）表面話ok啦，但都係應該要結婚嘅。」

想學陳豪生活模式

提到秀惠屆時會否仿效拍檔陳豪生三個小朋友？秀惠笑讚對方好勁：「佢講過啲小朋友好早瞓。（所以多時間造人？）我冇講呀，佢哋晚上時間係長啲，等有人求婚先。如果想生BB應該學習陳豪嘅生活模式，我第日結婚要同公司講，想晚上7點收工返去瞓。」

懶理網民批評

提到秀惠及李佳芯等人被網民比較其素顏照，她更被指妝前妝後大不同。她稱網民用其造型照當素顏照作比對，更大方稱不介意被批評：「張造型相要扮村姑，佢哋一睇就知係村姑，表示造型成功咗。（唔開心？）唔會，我承認要靠化妝師幫我化出唔同造型。（許亦妮被指素顏似巫婆？）唔會，見佢冇化妝其實靚。（一齊影素顏相放上網作平反？）我捱出黑眼圈同爆瘡先影？唔好咁對我，我會盡量Keep個樣！」

最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment