擔正女一!朱千雪唔願意同袁偉豪咀

20160316
東網電視
更多新聞短片
朱千雪驚同袁偉豪親熱,因為驚畀佢女友打。
藝人朱千雪、袁偉豪、王浩信、譚凱琪、單立文、劉佩玥及楊潮凱等到大埔林村宣傳新劇《EU超時任務》,首次做女一的千雪直言呢次拍攝頗有壓力:「戲份比較重,開工時間好長,係有啲壓力,但同呢班人開工好開心嘅!記得我生日時,佢哋簽晒名做紀念冊送畀我,我對呢套劇係相當有感情。(王浩信讚你係最搏命女演員!)佢都好搏架!唔想阻住進度嘛!自己做到嘅場面都會自己做。」講到肚皮上的傷,她表示花了半年時間終於好番,笑言自己夠年青,新謝代謝夠快。
袁偉豪拍咀戲一Take過
講到與袁偉豪飾演情侶,但親熱場面不多,最多只是蜻蜓點水式錫錫,千雪笑說:「我唔係好願意架咋!唔敢太激,驚佢女朋友打嚟鬧我。」袁偉豪又表示跟首次合作的譚凱琪有咀戲,大家非常爽快一Take搞掂:「鏡頭見到就咀囉!遠鏡咪借位囉!始終驚女士會尷尬。」
自爆多人追
活動上眾人許下願望,正進修碩士的千雪寫下「學業進步」,問到何不趁機求姻緣?她說:「拍拖係隨緣,唔係掟個橙就有,而且大家唸咗個咒,話如果套劇收視有30點,我就有拖拍!但佢哋話想套劇保持住29.99點!真係好衰!」袁偉豪笑言對方要專心學業,29.99點收視已經夠她感受一下拍拖感覺:「到30點你就要嫁人架喇!」提到早前自爆多年冇拍拖,千雪直言最近有更多人追,笑言原來自己的桃花運也不是太差。