林奕匡畀吳業坤係咁追歌債

歌手林奕匡（Phil）、葉巧琳（Mischa）、顏培珊、黃浩琳、Trekkerz、小塵埃等出席音樂會，Phil指之後將會有其他亞洲地區公司的歌手前來做音樂交流，而今晚就會與Trekkerz做cross over。

Trekkerz的成員Mischa笑說：「我哋會含情脈脈唱歌。（唔驚佢女友嬲？）我哋擺明冇嘢啦！」問到今年可會舉辦個人音樂會？Phil謂每個歌手都會渴望：「我鍾意啲時間長啲嘅騷，可以唱多啲歌，同大家互動上會多啲。」又指今年希望嘗試更多新事物，除了戲劇以外，亦希望創作更多歌曲給其他歌手：「我呢排比較忙，自己都知自己衰嘅，好多音樂人都催緊我交demo，有啲係寫畀自己，有啲寫畀人。（想寫畀邊個？）Jinny（吳若希）、Alfred（許廷鏗）、吳業坤，吳業坤都問咗好多次幾時輪到佢，我寫緊架喇。」而Mischa表示Trekkerz會在6月前出碟，之後自己亦會繼續單飛出歌。

女友呷粉絲醋

問到Phil女友可有投訴他太忙？他說：「有時會，但佢都明，有得忙係開心嘢。（點補償佢？）多啲message佢，佢知我諗住佢就得！」又笑言白色情人節當日傳短訊給女友寫道「白色情人節快樂」，但女友卻呷醋說：「你都唔係同我講嘅，你同啲fans都咁講！」不過Phil指不會因為特別日子才去氹對方高興：「日日都要對佢好。」Mischa亦說：「係囉，節日嗰時買嘢好貴，唔抵呀！」