尖東會雙俄妹？小方：I don't care

方力申同鄧麗欣宣布分手，事出突然，雖然當事人之一嘅鄧麗欣話因了解而分手，不過你有你講法，好多網民都唔信呢個「例牌解釋」，仲有網友話尋晚見到方力申架自訂車牌黑色Benz，停咗喺尖東路邊，車入便坐咗兩個外籍女郎，睇落好後生，仲話似係俄羅斯妹，網友仲話淨係見到兩條女，見唔到方力申，車上有女，係方力申借車畀人？抑或力方申咁啱行開咗？就不得而知喎。

正值呢個敏感時候，剛分手就傳出香車載美人，仲要係兩個，令到分手事件更加火上加油，《東網》記者向方力申求證，佢以WeChat以簡單直接回覆話：「I don't care.It's not true.」