唔再靠食嘢!衛蘭做運動Keep fit減壓

20160318
東網電視
更多新聞短片
衛蘭靠信仰和做運動去抒解壓力。
歌手衛蘭(Janice)與陳詠謙及周錫漢到電台宣傳新歌《穿花蝴蝶》,已有一年沒有推出新歌的Janice謂歌曲講述蝴蝶破繭而出,與自己音樂路上的經歷相似:「喺一個好舒服、好安全嘅環境太耐,慢慢收窄咗挑戰自己嘅空間,好難成長,所以透過呢首歌踏出第一步。」她又指自己成長了不少,加入新公司後亦參與了更多不同範疇的工作:「例如揀歌,揀填詞人,想帶咩訊息出嚟。」而Janice謂有時會給予自己太多壓力,本身自己又缺乏信心,平日會靠信仰和做運動去抒解壓力:「太大壓力會祈禱,之前會靠其他嘢去搵安慰,但未必咁好,例如食嘢,雖然鍾意但會忍吓,會有個Balance,唔會完全唔食澱粉質,同埋Keep住做運動。(想減幾多?)冇,已經唔會計。」
同黎明見面唔會尷尬
問到可有與舊老闆黎明聯絡?Janice說:「冇,但知佢就嚟開騷,都想去睇。(問佢攞飛?)有嘅,我有同舊同事聯絡。(唔敢搵佢?)唔係,因為自己都忙。(想畀新歌佢聽?)我希望佢有聽。」又指與對方見面亦不會尷尬。Janice表示每季都會推出新歌,但未必會出大碟。問到可會與妹妹衛詩合作?她預告對方亦快將回歸樂壇:「佢去咗韓國錄音,大概五月會出番嚟,所以都期待。(佢都有Keep fit?)做呢行點都一定要Keep,一齊做運動。」