宋仲基勁屈機　冧死女冇命賠！

韓國劇集《太陽的後裔》播出未夠十集經已掀起全成熱話，收視仲破埋2013年由韓星金秀賢及全智賢主演嘅《來自星星的你》收視紀錄，對於「雙宋」可以力壓「星星潮」呢個局面，唔少網民都認為今次劇集題材夠刺激得嚟又不失新鮮感，對於一向以女性觀眾為主嘅韓劇嚟講，戲中飾演軍人嘅男主角宋仲基至係重點！

勁多花名

於戲內不時晒肌兼Man到爆嘅宋仲基繼早前一招3秒挑手機令喬妹心花怒放後，最近又上演一幕於戰地綁鞋帶，而事實上當中有關佢嘅每一個動作都能令一眾女fans回味幾日，單係微博已有32.5億人討論緊「宋仲基」！期間更有唔少「狂迷」甚至cap齊佢於唔同集數所做過嘅表情同動作，仲為佢改晒花名為「老司基」、「飲水基」、「呼吸基」、「戰鬥基」、「吹風基」等，仲留言笑指：「宋仲基真是技能多！」難怪咁多人都畀佢迷住，行徑相當瘋狂！顧名思義，「飲水基」就係指宋仲基飲緊水嘅時候、「戰鬥基」即為宋仲基進入軍人戰鬥mode嘅狀態，至於「呼吸基」其實就係講緊佢為宋慧喬人工呼吸個一幕。

粉絲愛得瘋狂

當你以為cap圖改名已經好盡嘅時候，有網民今日就於網上花享咗一條宋仲基31年嚟嘅成長片段，由bb相開始一張一歲，慢慢演變成2016年大家喺《太》見到嘅「Yoo Si Jin」，其他粉絲們看過後更即直呼佢為老公謂：「老公真是從小到大都帥啊！」有人其後更「唔執輸」，於網上晒圖向男神示愛，set咗宋仲基劇照做微信對話wallpaper嘅呢位網民，就因為唔想啲字蓋過其「老公」臉龐，不惜以幾隻單字形式「警告」好友：「以後」、「打字」、「短一點」、「不要」、「擋住」、「我」、「老公」、「的臉」！

網民有話兒：

劉xxx生：宋仲基真是技能多！難怪咁多人都畀佢迷住。

我的xx個xx：老公真是從小到大都帥啊！

x安x：又萌又傻需要人照顧但在關鍵時候卻會挺身而出！

Jelixxx：長得好清秀，愈來愈有男人味！

我是xxmm：宋仲基是我的！報告，鑒定完畢：好看！