夠甜蜜！吳奇隆接完劉詩詩即場咀嘴

吳奇隆同兄弟團就已經出發咗去接新娘，畀完開門利是咁無可避免梗係會有玩新郎嘅玩節，不過班姊妹團都幾錫住吳奇隆，都係玩吓唱歌跳舞，對於本身係跳唱組合小虎隊出身嘅吳奇隆嚟講，真係小兒科，期間吳奇隆更與「小虎隊」成員蘇有朋及陳志朋獻唱多首歌曲，其中一首乃其組合的經典名曲《愛》，三人更邊唱邊做手勢，非常投入，雖然陳志朋唱到一半似忘記歌詞，結果口嗡嗡帶過，但「小虎隊」如此落力表現仍得到全場歡呼，其餘兄弟團也拍晒手掌。當中最激嘅環節係吳奇隆要同男人咀嘴，最後好兄弟陳志朋就犠牲小我，完成就吳奇隆接新娘嘅行動。

吳奇隆接咗新娘劉詩詩，眾人即時起哄要求一對新人當場咀嘴，一對新人徇眾要求之下嚟一個深情熱吻。之後就跟傳統斟茶畀長輩，同埋一對新人互餵甜食寓意甜甜蜜蜜，見佢哋餵到你一啖我一啖，真係甜到漏。