袁偉豪擔正做反派　怕畀觀眾掟雞蛋

藝人袁偉豪今日到「東華慈善嘉年華」馬戲帳篷中，以一身蘇格蘭格仔紅裙服宣傳無綫新劇《EU超時任務》，受訪時他表示上次另一套主演無綫劇《鐵馬戰車》飾演的「施馬Sir」與今次《超》劇雖同為警員，但風格截然不同，亦未因「施馬Sir」大受歡迎而感到壓力：「今次冇上次咁精靈、盞鬼，今次我仲會喺後段行咗啲歪路，係一個新的嘗試。」他又謂：「近呢幾年都冇乜試過做反派，之前就算有都係喺一啲單元入面唔係主演，冇乜印象，所以我今次都幾期待，但我唔透露咁多，只希望觀眾睇完唔好憎我，唔好掟雞蛋就ok。」