黃宗澤戀日模 杏兒送祝福：最緊要開心
20160320
東網電視
更多新聞短片
杏兒希望黃宗澤好似佢咁，一樣咁開心呀！
藝人胡杏兒在尖沙咀出席活動，蜜月假期後首次出騷的她就以粉色長褸亮相，看起來更精神飽滿、神采飛揚。
主持在會上問度蜜月期間走訪十多個城市的她，對哪個地方的感受最為深刻，她就指第一站的北海道：「第一次滑雪，跌咗好多次！」講到「升呢」做「李太」，她就表示銀行職員這樣叫她但一時未識應對方。而活動上，有小男孩向她送上御守後更連續獻吻四次。當主持問她見到小朋友會否想生番個，她即笑住耍太極：「個日本男仔好得意！」
「兩個起囉！」
訪問時，放假放足74日的杏兒就坦言愈放假愈想繼續放，又指老公想與她能多點相處時間：「去咗12個城市，北海道、大溪地、新西蘭、洛杉磯、紐約、倫敦、貝爾法斯特、巴塞羅那、愛琴海、雅典、杜拜同馬爾代夫！」足有半個地球！問有否趁機造人，她直言尷尬：「有冇你哋遲啲一定會知！（暗示緊有？）未必嘅！（隨時Ready有？）我老公係囉！但我都要配合，好多人都話要調理好身體先，呢樣都好緊要。（佢恨做爸爸恨到出哂面！）佢都係架！（咁你呢？）恨做爸爸？哈哈！（媽媽呀！）我都期待嘅！」又笑謂生B數量會盡力而為：「兩個起囉！」問會因而否減少工作，她就想兩樣兼備：「順其自然啦！」
成個人送畀老公
度蜜月期間適逢老公生日，杏兒就指自己有送上小禮物：「不過最大份禮物，我成個人都送咗畀佢啦！夠架喇！」又謂假期期間有點發福，所以在最後一站馬爾代夫時都開始做運動減肥：「仲黑咗好多，食好瞓好！」
而談到前男友黃宗澤戀上日模，她就指自己不知道對方如何回應：「但最緊要都係佢開心，搵到自己嘅另一半，好似我咁開心！」至於日後工作，她就指下星期會到內地工作一星期，與田亮合作到廣州、澳門拍戲，四月亦另有拍攝，但詳細尚未確定。
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：