【冇眼睇】王祖藍惡搞宋仲基晒「後裔」

韓國男神宋仲基與宋慧喬主演嘅新劇《太陽的後裔》最近獲封為神劇，喺中韓兩地都堅爆紅！劇入面飾演軍人嘅宋仲基着起一身軍服使出追女絕技迷死唔少女士！緊貼潮流嘅王祖藍又點會放過惡搞男神嘅機會呢？剛才祖藍就喺微博上載咗張着住軍服嘅嘟嘴相，留言：「太陽的後（厚）嘴唇，完勝！」大批網民即留言：「沒仲基帥呀！要我說幾次？」祖藍認真慘慘豬！不過其實祖藍喺老婆李亞男心目中，咪就係完勝囉，使乜同宋仲基鬥喎！