【地位超然】杏兒黑色喱士假透視晒波形

20160321
東網電視
更多新聞短片
杏兒一身黑色喱士打扮,雖然未算好好好性感,但隱約晒出波形,已經贏咗!
男神張智霖(Chilam)與胡杏兒所屬的經理人公司「中國3D數碼」宣布成功收購HMV,並於HMV銅鑼灣旗艦店設立「一哥」張智霖專區,擺放他個人CD及電影DVD。至於人妻胡杏兒以一身黑色喱士性感打扮現身,揮低一眾同場「小師妹」,即使何佩瑜「中門大開」,亦不及杏兒吸睛!
老公唔理性感打扮?
談到一身性感打扮,杏兒笑言「好安全」:「冇乜點做安全措施,今日開心嘢嘛。老公都冇睇過,佢唔係好理我呢啲,反而擔心我拍戲對手,佢話要問過佢先,會呷醋喎。」她又透露早於二人拍拖之時,已有內地綜藝節目找他們「情侶檔」演出:「老公講嘢唔叻,佢又話自己唔識普通話。(一齊拍廣告?)唔諗,怕出嚟效果好搞笑。」
Chilam搵位食住老婆
張智霖受訪則打趣要「沽空」自己的專區。談到其「一哥待遇」,他謂:「唔好咁講,公司資源分配得好好。公司愈壯愈大,令我好有安全感。其實我都會帶頭諗吓有咩可以齊齊做,等同公司個個都多啲機會。」談到演出綜藝節目時與太太袁詠儀(靚靚)去放生,他更大爆老婆秘密:「佢畀雞啄過,所以逢鳥類都驚,本嚟諗住帶佢去睇心理醫生,但最終都打消念頭,等我有啲籌碼喺手嘛。」即將到來的復活節,他舉家會到日本旅行吃喝一番。
最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結: