林夏薇孖展鵬拍親熱戲唔使通知老公

藝人林夏薇在將軍澳電視城為無綫新劇《乘勝狙擊》進行開鏡拜神儀式。林夏薇於劇中飾演廟街雀后，她說：「自己完全唔識賭，新年買咗兩副麻雀廣東牌、台灣牌開始練，主要係老公同我練，屋企人嫌我悶，話我係站長，自己連『叫糊』都唔知，但又贏錢。」

問到與陳展鵬於劇中飾演一對，可有咀戲？她說：「同陳展鵬第一場戲已經要除衫，好重口味。（老公知唔知？）唔知，唔會同佢交代。（唔驚老公嬲？）唔會，佢都唔知，點會嬲呢？（有指話你攞兩億家用？）有冇咁誇張？自己好努力賺錢，我都要供樓，我哋財政獨立。」