區靄玲關心舊愛羅浩楷病情：幫我問候佢

藝人區靄玲為莫旭秋今晚的《淡淡秋情》巡迴演唱會擔任嘉賓，她表示會與莫旭秋合唱粵曲：「之前喺屯門個騷做過，佢啲粉絲好鍾意，公眾要求就嚟唱多次，當然冇啲前輩唱得咁好，但我細個已經好鍾意粵曲，都算係成長嘅歌曲，有信心唱到。」她又表示早前拍了電視劇《一屋老友記》、《幕後玩家》、《八時入席》等，並表示：「前排又要忙住依個騷嘅綵排，之後都會出新唱片，要錄音同埋唔可以夜瞓、亂食嘢，要好好Keep住，面對觀眾要靚啲。」

談到舊情人羅浩楷被傳患上怪病，區靄玲直言有留意相關消息，並謂作為相識多年的朋友，故希望對方盡快康復。問到可有致電關心對方？她直言：「咁多年嘅嘢，冇嘢嘅，希望佢快啲好番，嗰次一別冇再見，冇再聯絡。（所以聽到個消息）都好詫異，幫我問候吓佢。」