藝人陳展鵬在將軍澳電視城為無綫新劇《乘勝狙擊》進行開鏡拜神儀式。陳展鵬在劇中飾演老千，並以鬍鬚look新形象示人，他說：「自己鍾意青靚白淨，今次第一次拍劇留鬚，留咗廿幾日，都驚上癮，但留鬚都幾麻煩，成日要修剪。（唔驚女朋友唔鍾意你留鬚？）可能有啲女仔鐘意呢。（參考賭片？）以前啲賭片好正，但我哋唔係賭為主，賭只係背景，但都要練啲洗牌手法，練到手指抽筋。」