佘詩曼自爆成十年冇搭港鐵：驚迷路

藝人佘詩曼與曾志偉出席港鐵《開心搭．生日獎》抽獎活動，兩人均獲贈全年港鐵免費車票，平時出埠會選乘機鐵的阿佘，透露貪其方便之餘又就到時間，就連Check in亦方便得很，反而港鐵卻已有約十年沒有乘搭，她謂：「唔識搭，太耐冇搭，驚迷路，不過都好想試吓，記得對上一次搭因為世貿，好多地方封晒路，過唔到海，咁港鐵係最方便嘅。」

正忙於拍攝電影《使徒行者》電影版的她，透露待完成拍攝便於下月投入新劇《賭城群英會》，該劇將於深圳開工，笑指喜歡自己於劇中的角色，更謂：「同馬國明對手戲多，四哥（謝賢）對手戲多唔多就未知，要到3月26日試造型就可能清晰啲。（會唔會睇番四哥之前啲經典劇先？）唔使，今次係另一個新劇本，但對嗰套都有少少印象嘅。」

每月抽幸運兒免費搭港鐵

其實港鐵方面亦於4月份起推出「開心搭．生日獎」抽獎活動，每個月抽出一個幸運日，主席馬時亨便聯同志偉及阿佘抽出生日之星為4月27日，只要於當天生日、持有香港身份證人士便合符資格領取「Happy Birthday全日通」車票，車票可於發出日起計30天內，享受一天全日免費「任搭」優惠，還可獲贈一張港鐵轄下商場50元現金卷、西餅店20元現金卷及酒家100元晚飯優惠卷。首批得獎者可於4月3日起，於任何一個星期日的指定時間內，攜同身份證明文件到港鐵內的換領站領取，或於周一至周日到港鐵紅磡站的旅客服務中心領取。而下月21日將邀得汪明荃抽出5月生日之星的日子。