胡杏兒恨最少生兩個 同老公夾時間造人
藝人胡杏兒以自家婚紗品牌老闆身份現身著名珠寶及銀飾店，她表示現與此品牌有合作：「品牌邀請咗佢哋嘅VIP過嚟睇首飾，想我哋拎啲裙畀啲顧客參考吓。」
收拾心情投入工作
杏兒表示自己早前同老公李承德（Philip）去旅行度蜜月放假一段時間，現在需要盡快投入工作及生意：「我都想顧客可以摸到我哋嘅裙，睇到手工同剪裁，了解我哋品牌同其他係唔同，每一條裙都係設計師自己去設計，獨一無二，亦想話畀準新娘知，有好特別要求都得，可以度身訂造。（呢啲裙入面有冇你結婚着嘅婚紗？）呢幾條冇，有一條單膊就影過婚紗相，同埋我Partner叫我唔好講生意好唔好，會小器㗎，要繼續努力，我哋目標係內地開分店，希望今年內可以，依家物色緊地方。」又謂自己的設計師及團隊全在香港，樓下店舖賣衫，樓上則是工場，工作人員很花心思一針一線地編織每件嫁衣：「我自己就經歷咗啦，希望每一位新娘子係喺大日子都着到稱心嘅婚紗。」
接拍內地電影
問到現時有何拍攝工作？杏兒說：「有人搵，有一部內地電影，會拍10幾日，有工作會照接，不過依家有屋企、生意、工作要兼顧，係需要好好分配時間。（老公冇投訴你之後要多返內地？）最緊要平衡，我都有問過佢，係一個尊重。（佢畀唔畀？）佢畀嘅，好在佢嘅工作可以喺電話做，都有可能有時間會陪到我，總之盡力而為。（盡力造人？）努力喺生活上，時間係要協調，想生意愈嚟愈好，但要花時間落去，好開心愈嚟愈多品牌想同我哋合作，希望多啲人認識到我哋個品牌。」又謂沒有搞公關公司的念頭：「冇呢個構思，已經咁忙，唔會啦。」
老公Ready造人
問到即是何時生BB？杏兒說：「希望最少生兩個，但要計劃㗎嘛，忙一輪先，唔會等好耐。（會接輕鬆啲嘅工作？）野外求生咁辛苦就梗係唔得啦，暫時工作應付到嘅。（你心態ready？）唔知呢，應該ok，老公畀好大信心我，佢好有堅持，佢好ready。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：