恨死人！何俊軒體質問題食極唔肥

藝人何俊軒早前到荷蘭總領事館官邸行時裝騷，他直言事前努力減肥，希望行騷時更瀟灑，但他自認為食，因此心情矛盾，他笑說：「我係個好鍾意食嘢嘅人，行Show前只不過食咗少少嘢，內心糾結都咪話唔痛苦！最後總共減咗近十磅，結果行騷出嚟效果好好，我都係第一次着以咁明確格仔設計嘅西裝，我自己都覺得好型！」

軒仔笑言完Show即趕去食他最愛的加底咖哩飯，他說：「之前拍《飛虎2》狂減廿磅，將自己操得太瘦，塊面凹到連同事都以為我有病，所以呢兩年一直都好努力希望可以將自己谷肥少少，點知谷極唔肥，都唔知係咪體質問題搞到我操Fit容易增肥難，有時都覺得幾無奈！」