傳陳山聰展追求攻勢!李佳芯:我唔知
藝人李佳芯(Ali)到西環出席商場活動,她坦言近日因《潮流教主》關係,令她多了女粉絲,她說:「我都估唔到,因為個角色比較負面,但出嚟反應都幾正面,仲多咗女仔主動嗌我名,或者劇中角色名,之前我做嘅角色都係小三、狐狸精多,今次事業女性角色就令我多咗唔同嘅觀眾層。(今後會避演小三角色?)我一向都冇揀角色,所以唔同類型角色我都有機會接觸,依家拍劇仲做媽媽角色。(怕唔怕被定型?)好似我演小三角色咁,我只會諗點樣做好佢,其他冇諗。」
聞謙謙楊怡婚訊感驚喜
講到《潮流教主》中合作的羅仲謙與楊怡爆婚訊,Ali說:「係咪真㗎?係真嘅我恭喜佢,唔怪得之前宣傳佢冇出現。(TVB姐仔紛紛閃婚,幾時到你?)吓?我未有咁嘅計劃,之後嘅嘢之後先諗啦!(工作忙冇時間同男友行山?)其實呢方面我不嬲低調,都冇乜特別回應,食飯、行山係我除咗工作以外嘅正常生活,正常活動,冇乜需要回應。」
讚陳山聰友善
提到有傳陳山聰因拍攝《潮流教主》,而向Ali展開追求?Ali說:「我唔知,唔係你講我都唔知,山聰份人係好Nice,加上我哋同一個經理人,佢就好似師兄咁,會主動畀建議我點樣可以做好啲。(Feel到佢追求?)只係正常交往,我感受唔到喎。(佢因為太入戲而畀人誤會?)要問番佢,不過大家係專業演員,我諗係外間諗多咗。」
最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結: