G.E.M.有花收　華晨宇送嘅？

歌手鄧紫棋（G.E.M.）之前出席頒獎典禮，以一身「宇宙尿片」配螢光黃毛毛大褸造型勁歌熱舞，「震撼」全場，雖然劣評如潮，不過似乎G.E.M.無受到影響！今日就喺微博話自己身在武漢，仲話自己收到花，有網友就發現G.E.M.除咗收花之外，仲收到一張手寫嘅心意卡，卡上面仲寫住：「用最初的心，陪你走最遠的路」，有唔少網友就留言話，唔係紮花係咪G.E.M.緋聞男友華晨宇所送呢？