郭晉安越南拍戲唔帶嘢食：打算叩門求食

藝人郭晉安（安仔）、萬綺雯（蚊蚊）、王浩信以及黃德斌等今晨六時許已抵達香港機場準備為無綫新劇《致命復活》飛抵越南取景拍攝，安仔受訪時表示抵達後第一時間便需進行拍攝工作：「因為我哋有啲機場戲，無謂返咗酒店先再返機場拍。（行程好緊密？）其實最主要係車程問題，因為有啲景點可能要坐成四、五個鐘頭車，所以趕時間拍，咁我哋都體諒嘅，不過我睇過啲相，㗎巴士上埋有廁所，所以急都唔使落地。」

一眾藝人在辦理登記手續時已給引不少途人求合照，就連機組人員都向眾藝人集郵，問到安仔為旅程可有準備？他笑言：「冇呀，我帶個人去㗎咋，一個包袱，唔慣拖篋。」反而蚊蚊則自認帶了四分一篋零食，安仔更笑言到當地或會叩門求食，蚊蚊說：「但可能唔啱你食喎！都係啲麥皮。」

而蚊蚊亦稱今趟越南之旅將到訪不少當地旅遊景點，安仔更稱會專程乘內陸機到下龍灣一遊拍攝結局場口，還笑指蚊蚊不應穿泳衣：「我唔着泳衣嘅，我着咩你着咩。講笑啫，你着咩都靚，好似公主咁行出嚟就得。」