約監製食飯　陳展鵬諗計整死單立文

藝人陳展鵬到粉嶺高球會出席《保良局慈善哥爾夫球》活動，他表示除了小時愛打乒乓球外，高球是第二嗜好：「今年好好彩，可以出席幾個高爾夫球活動，早幾年都係要開劇，拍劇大過天。」提到其主演的無綫新劇《乘勝狙擊》，他表示劇集將於四月開工，但在開拍之前，展鵬與監製飯聚研究劇本，望以賭為題材的作品更有新鮮感：「因為賭片喺香港已經深入民心，希望有啲新嘅拍法。不過今次好開心可以同《賭俠》第一代嘅反派單立文嘅侯賽因合作（周星馳主演《賭俠》裏面的壞人侯賽因），真係好開心，我諗好多演員都好想同佢合作，話晒佢都係賭神第一代！」由於有強勁的對手，陳展鵬要真係要做足準備「諗計整死」反派。

祝福楊怡覓得好歸宿

提到楊怡即將離開無綫，展鵬表示不知詳情，但他亦即時向她與羅仲謙祝賀新婚快樂：「佢哋係絕配嚟嘅，希望佢哋開心快樂啦！（無綫愈來愈少花旦？）唔會，公司都栽培好多新人，楊怡、鍾嘉欣同胡杏兒係去咗另個階段，女人始終係要搵一個自己鍾意、又錫自己嘅男仔，一個歸宿。工作都係重要，但佢哋已經去咗另一個階段，好多獎都攞過，好多人認同。」

對於自己的愛情，陳展鵬只望隨緣，但會以工作為先：「急嘅時間已經過咗。」