馬國明恨買樓 唐詩詠寸爆:你都冇老婆
藝員馬國明與唐詩詠在將軍澳電視城為無綫節目《兄弟幫》擔任嘉賓宣傳新劇《廉政行動2016》。馬國明透露近期樓市低迷計劃趁機買樓。唐詩詠笑說:「你都冇老婆,買嚟做乜?」馬國明說:「我買嚟同屋企人住,希望買番同區,面積大啲同屋企人住,呢排都周圍睇樓。」
嫌馬國明揀女奄尖
問唐詩詠可有介紹女仔給馬國明認識?她說:「佢好奄尖、又要靚,樣樣都要係優點,所以咪好似睇樓咁,睇咁耐都未揀到。」馬國明笑說:「係呀,我好麻煩㗎,又要有錢,最好可以養埋我,仲要入得廚房,上得大床。」兩人指林子善計劃兩年後結婚,馬國明覺得奇怪預早兩年計劃,唐詩詠則說:「因為好愛囉。」
詩詠想婚前買樓
唐詩詠也希望買樓,她笑說:「女仔買樓唔同男仔,買樓用嚟收租,仲要喺結婚前買,唔係咪變咗共同資產。」問馬國明有沒有心儀女士?他說:「冇呀,好似睇樓咁睇吓先啦。」