杏兒超性感現身 缽仔糕線頭殺「峰」景
藝人胡杏兒穿露背開胸超貼身裙於九龍灣出席活動,打扮性感的杏兒,於走動期間,更不慎失手露出「缽仔糕」,更美中不足的是,杏兒的靚裙,心口重要位置竟出現線頭,大殺「峰」景。
蜜月尾聲衝刺Keep弗
擔任發布會嘉賓的杏兒,表示因尊重場合而作隆重打扮。談到度蜜月後依然苗條,杏兒笑稱在蜜月倒數時開始控制食量及做運動,以力保身材。提到她日前晒出一輯蜜月期間拍攝的火辣比堅尼照,杏兒重申即興決定與老公合影留念,又笑言無意再影婚照。
唔想向老公備案
問到杏兒嫁人後是否要keep住做索爆人妻?她笑言即使日後生了B亦要努力靚靚:「要㗎,生咗B都要努力靚。(老公讚你影相好索?)佢有影花絮,日日見冇特別讚。」杏兒又笑稱即使打扮性感,亦不需問准老公:「佢慣㗎喇!」
唔怕楊怡爬頭生B
談到楊怡與羅仲謙拉埋天窗,杏兒直指戥二人開心,又睇好「胡說八道會」成員姚子羚及胡定欣等「叫糊」嫁人。問會否擔心被楊怡「爬頭」生B,杏兒說:「唔驚,開心事嚟。叫咗佢請飲請埋我,等佢張帖。」記者祝福杏兒早日生B時,她即拍拍肚皮笑說:「我會努力㗎喇!」
談到無綫花旦相繼離巢,更有指楊怡開天價續約,令無綫卻步。杏兒說:「係個循環,我哋做咗十幾年,離開唔等於終結,轉環境,生活上轉變,一定會發生。tvb好多新花旦都係好事。(楊怡開天價續約?)呢啲商業秘密應該唔知。(畀意見佢?)冇傾呢啲,祝福佢。」
談到工作大計,杏兒稱剛由內地工作返港,有一星期冇見老公而掛念對方。她稱目前接下零散工作,但工作量不重。
最強娛樂APP《東網巨星》,除咗特備遊戲節目《巨星放題》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結: