再晒婚照　王祖藍又結婚？

藝人王祖藍與老婆李亞男結婚一年多，依舊恩愛纏綿，不時都孖公仔出巡嘅佢哋日前更到咗峇里出席內地藝人包貝爾嘅婚禮，身為伴郎團嘅王祖藍着上一身湖水綠嘅西裝配短褲，而身旁嘅李亞男則以白色露肩連身裙亮相，兩人期間更不忘於教堂前留影，似在重演行禮一幕一樣！祖藍其後亦微博晒出「婚照」，並笑言：「我又結婚啦！」有網民見狀即直斥祖藍講「又結婚」唔多吉利，不過亦有人幫忙解說道：「只要身邊的人一樣，結多次都幸福！」