小方認成日諗起Stephy：太多嘢黐埋一齊
被視為「金童玉女」的方力申和鄧麗欣（Stephy）上月17日宣布10年情玩完，「分訊」消息震驚全城，小方今日出席溥儀眼鏡「GENTLE MONSTER Exclusive Launch Party」，問到回復心情未？他說：「都係咁，今日有件開心事，今日係媽咪生日，一陣會一家人食飯，今日好開心，知呢個係全世界最好嘅眼鏡品牌，我又唔係企喺潮流尖端，潮牌竟然搵我做嘢，戴咗塊面長啲，好有韓國Feel。」
認孝順仔
談到爸爸早前大讚自己孝順，他開心說：「佢好少讚我，我都幾孝順，我同細佬一路陪住佢檢查、做手術同康復，一直陪住佢身邊，唔好話公開，私下都好少讚我，媽咪懷念上年生日野生捕獲發哥，仲問可唔可以返去嗰間餐廳，我話唔好搞笑。」
未來咩都有可能
問到有否留意Stephy回港親身解說分手理由時亦幾度落淚？他說：「我有睇。（佢話復合係天意！）係呀，我都係咁講，咩都有可能。（會唔會盡力去解決問題？）之前我哋都講過公開件事，會有好多人關心，但公開係諗清諗楚，唔係兒戲決定，10年情係有諗過，將來嘅事將來決定。（知唔知粉絲聯署去白宮要求你哋復合？）我知，有睇，即係好難唔去諗呢件事，我哋兩個太多嘢黐埋一齊，我一打開社交網站，撳自己都會有Stephy，大家問我心情好啲未，我哋唔同讀書、學生、朋友，唔係話唔見就唔見，會成日見到，我哋感情會有好多，大家暫時揀咗唔同方向，我哋兩個都覺得可惜，將來再算。」
唔答小牛嘅貼文
談到有話Stephy轉性取向，他表示有留意：「我有睇，聲明已講過，冇補充。（你信唔信？）我梗係唔信，咁即係話我唔夠吸引。（你識唔識佢？）我唔識佢。（將來復合會唔會唔咁公開？）其實我哋都低調咗7、8年先畀人知道，將來太遙遠，兩人之間嘅事太難分得開，我每日睇粉絲留言仲心痛過我哋。（知唔知小牛貼相話細水長流？）我唔知，我唔答。（你之前係咪借酒消愁？）兩支太睇少我，其實係一班人食飯，好似我之前去黃大仙打波，就話我求籤，我去邊都畀人拎機出嚟影，呢個風氣麻麻。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：