紅地氈：文詠珊自爆冇做安全措施

性感上陣的文詠珊（JM）接受訪問時，更即場應邀轉一圈展示其索爆造型，問到是否挑戰「終極性感」？她表示：「今晚係一個特別嘅晚上，呢個造型係有意思，係由我嘅角色出發，係一個冷酷嘅角色，我都有連番戲，除咗晚裝，仲有呢粒（左眼上）墨！今次係硬朗性感。（做左安全措施？）最難係乜都做唔到！條裙係靚在CUTTING，可以晒出線條，同我角色好夾，所以揀咗呢條裙。」問「半裸」示人有否穿內褲？她尷尬表示：「係打唔到底，當時見到條裙都問番造型師：『你係咪連底都唔畀我打呀？』，只可以黐膠紙。（好空蕩？）所以紅地氈之後會換另一條裙。（男友睇過？）冇呀，從來都冇同其他講，畀個驚喜大家。（有信心拎衣着獎？）唔知周汶錡點睇呢，始終個個都靚。」