JC產後首曝光！吳建豪封大利是畀Andy女
「警鐘模」Jessica C.（JC）喺上個月23號於美國為型男安志杰（Andy）誕下囡囡Tessa，一向以鐵漢形象示人嘅Andy亦畀樣子萌爆嘅囡囡征服，化身為專業湊仔公！最近Andy嘅好友吳建豪（Vanness）同伍允龍（Philip）咁啱喺美國拍戲，呢日佢哋趁工作空檔去咗探Andy。
Vanness一見到打耳嘅Tessa就鍾意到不得了，仲即場封咗封大利是祝福佢。佢又出賣好友，晒出Andy氹囡囡瞓覺時嘅搞笑相片。相中嘅Andy同Tessa「神同步」擘大個口，果然係兩父女！而其中嘅一張大合照更有產後嘅JC首次曝光，佢抱住囡囡大晒母愛，雖然JC仲未完全收晒身，仍見有少少肚腩仔，但係佢嘅手腳依然好纖幼！
另外，Vanness又上載與好友Andy、Philip嘅合照，並留言：「未來男朋友好可憐?I feel bad for the future boyfriend...」無論係老竇…定係老竇啲Friend都咁型仔，睇嚟Tessa第時揀男友要揀番個碧咸先至夠撼喎！
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：